MONREC Zip

၂၀၂၂ ခုနှစ်၊ စက်တင်ဘာလ (၂၈) ရက်၊ နံနက် (၉) နာရီတွင် အမျိုးသားညီညွတ်ရေးအစိုးရ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ တာဝန်ရှိသူများသည် မကွေး တိုင်းအတွင်းရှိ မြို့နယ်ပြည်သူ့အုပ်ချုပ်ရေးအဖွဲ့၊  သယံဇာတစီမံအုပ်ချုပ်မှုအဖွဲ့များနှင့် တွေ့ဆုံ ကာ ဝန်ကြီးဌာနမှ ကြားကာလအတွင်း ထုတ်ပြန်ထားသည့် သယံဇာတစီမံအုပ်ချုပ်မှုဆိုင်ရာ လုပ်ထုံးလုပ်နည်းများ၊ ညွှန်ကြားချက်များ၊ TAB-NR ဖွဲ့စည်းခြင်းဆိုင်ရာ ကိစ္စရပ်များအား ရှင်းလင်းခဲ့ပါသည်။ မြို့နယ်အဖွဲ့များမှလည်း မရှင်းလင်းသည်များကို ပြန်လည်မေးမြန်းကာ မြေပြင်တွင် တွေ့ကြုံ ရသည့် သယံဇာတစီမံအုပ်ချုပ်မှုဆိုင်ရာ အခက်အခဲ၊ အတွေ့အကြုံများကို ပြန်လည်ဆွေးနွေးခဲ့ သည်။ နံနက် (၁၁) နာရီတွင် တွေ့ဆုံပွဲ အောင်မြင်စွာ ပြီးဆုံးခဲ့ပြီး တက်ရောက်သူ စုစုပေါင်း (၂၇) ဦး ရှိပါသည်။ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန အမျိုးသားညီညွတ်ရေးအစိုးရ

အမျိုးသားညီညွတ်ရေးအစိုးရ၊ ပညာရေးဝန်ကြီးဌာနနှင့် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနတို့ ပူးပေါင်း၍ အနာဂါတ်ဖက်ဒရယ်ပြည်ထောင်စုတွင် ပြည်သူဗဟိုပြု သယံဇာတ ရှာဖွေ၊ တိုင်းတာ၊ တူးဖော်ထုတ်လုပ်ရေးကဏ္ဍ၌ အန္တရာယ်ကင်းရှင်း၍ စနစ်တကျ ထိရောက်စွာ စီမံအုပ်ချုပ် ထုတ်လုပ်နိုင်ရေးအတွက် ခေတ်မီနည်းပညာများကို ကမ္ဘာအရပ်ရပ်မှ မြန်မာပညာရှင်များက အောက်တိုဘာလ (၁၅) ရက် စနေနေ့မှ စတင်ကာ အွန်လိုင်းသင်တန်း ပို့ချပေးသွားမည် ဖြစ်ပါသဖြင့် အောက်‌ဖော်ပြပါသတ်မှတ်ချက်များနှင့် ကိုက်ညီသူများ လျှောက် ထားနိုင်ရန်  အသိပေးကြေညာအပ်ပါသည်။ သင်တန်း။             Certification Course for Exploration and Production Geologist သင်တန်းကာလ။    (၁၅-၁၀-၂၀၂၂)မှ (၂၇-၁၁-၂၀၂၂)အထိ သင်တန်းနေ့။         အပတ်စဉ် စနေ၊ တနင်္ဂနွေ သင်တန်းချိန်။        မြန်မာစံတော်ချိန် ည (၇:၀၀)နာရီမှ (၉:၀၀)နာရီအထိ *သင်ကြားသူနေထိုင်ရာနိုင်ငံပေါ်မူတည်၍

လက်ရှိတော်လှန်ရေးကာလတွင် ပြည်သူဗဟိုပြု သယံဇာတစီမံအုပ်ချုပ်မှုဆိုင်ရာလုပ်ငန်းများ ကို အရှိန်အဟုန်မြှင့် အကောင်အထည်ဖော်ဆောင်ရွက်လျက်ရှိရာ ဒေသခံပြည်သူလူထုက စည်းကမ်းတကျ လက်တွေ့လိုက်နာ အကောင်အထည်ဖော်ဆောင်နိုင်မည့် မူဝါဒများ၊ ညွှန်ကြားချက်များကို ထုတ်ပြန်ထားရှိပြီးဖြစ်ကြောင်း၊ ၎င်းအပြင် တော်လှန်ရေးကာလ မြေပြင်လက်တွေ့အကောင်အထည်ဖော်ရာတွင် အဆင်ပြေ လွယ်ကူချောမွေ့စေရေး လုပ်ထုံးလုပ်နည်းနှင့် ညွှန်ကြားချက်များကို ပြန်လည်ပြင်ဆင် ထုတ်ပြန်ခဲ့သည်များ ရှိခဲ့ပြီး ပြင်ဆင်ထုတ်ပြန်ထားသည့် လုပ်ထုံးလုပ်နည်းများနှင့် ညွှန်ကြားချက်များကို မြေပြင်အဖွဲ့များနှင့် ယခုထက် နီးနီးကပ်ကပ် ပူးပေါင်းပါဝင် အကောင်အထည်ဖော် ဆောင်ရွက်ကြရန် တိုက်တွန်းလိုကြောင်း၊ သယံဇာတကိစ္စရပ်များ ဆောင်ရွက်ရာတွင် ပြည်သူလူထုအတွက် အန္တရာယ်အကင်းဆုံး၊ ပြည်သူနှင့် အစိုးရအတွက် အကျိုးအရှိဆုံးနှင့် တော်လှန်ရေးအတွက် အထောက်အကူ ဖြစ်စေ မည့်နည်းလမ်းများကို ရွေးချယ်ဆောင်ရွက်ရန်နှင့် သက်ဆိုင်ရာ ကဏ္ဍအားလုံးက စည်းစည်းလုံးလုံးနှင့် အတူတကွ ပူးပေါင်းဆောင်ရွက်ကြခြင်းဖြင့် လုပ်ငန်းမြန်ဆန်သွက်လက်ပြီး မိမိတို့ အားလုံး၏ ရည်မှန်းချက်ဖြစ်သည့် တော်လှန်ရေးအောင်မြင်ရေးအတွက်

ပြည်ထောင်စုဝန်ကြီးချုပ်မှ ဥက္ကဌအဖြစ် ဦးဆောင်သည့် ပြည်ထောင်စုအဆင့် သယံဇာတစီမံ အုပ်ချုပ်မှုအဖွဲ့၏ (၅/၂၀၂၂) အစည်းအဝေးအား (၉-၉-၂၀၂၂) ရက်နေ့ ၊ နံနက် (၁၁) နာရီတွင် Zoom Meeting ဖြင့် ကျင်းပခဲ့ရာ အဖွဲ့ဝင်များဖြစ်ကြသည့် ကာကွယ်ရေးဝန်ကြီးဌာန၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန၊ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာန၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနတို့မှ ဝန်ကြီး၊ ဒုဝန်ကြီး၊ အတွင်းဝန်များ၊ ကိုယ်စားလှယ်အဖွဲ့ဝင်များ၊ ပြည်ထောင်စုဝန်ကြီးချုပ်ရုံးမှ အတွင်းဝန်နှင့် ရုံးအဖွဲ့များ၊ ပြည်ထောင်စုအဆင့် သယံဇာတစီမံအုပ်ချုပ်မှုအဖွဲ့၏ အတွင်းရေးမှူးရုံးအဖွဲ့တို့မှ စုစုပေါင်း (၁၅) ဦးတက်ရောက်ခဲ့သည်။ ပြည်ထောင်စုအဆင့် သယံဇာတစီမံအုပ်ချုပ်မှုအဖွဲ့ဥက္ကဌဖြစ်သူ ပြည်ထောင်စုဝန်ကြီးချုပ် မန်းဝင်းခိုင်သန်းက အဖွင့်အမှာစကားပြောကြားခဲ့သည်။ ဆက်လက်၍ ပြည်ထောင်စုအဆင့် သယံဇာတစီမံအုပ်ချုပ်မှုအဖွဲ့၊ ဒုတိယဥက္ကဌဖြစ်သူ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ တူးခေါင်မှ ကြားကာလ