သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စု ဒုတိယဝန်ကြီး ခွန်း‌စောဖူး ဦးဆောင်၍ ယာယီထိန်းသိမ်းစောင့်ရှောက်ထားသည့် ပန်ဒါနီလေး ၉ ကောင်ကို သစ်တောနှင့်ပတ်ဝန်းကျင်ထိန်းသိမ်းရေးဌာန၊ Kachin Independence Organization (KIO) သို့ လွှဲပြောင်းပေးအပ်ခြင်း

ဆက်လက်၍ သဘာဝအတိုင်း နေထိုင်ကျက်စားနိုင်မည့် နေရာသို့ ပြန်လည်ပို့ဆောင်နိုင်ရန်အတွက် ပန်ဒါနီနေရင်းဒေသမှ အဖွဲ့အစည်းများနှင့် ချိတ်ဆက်ဆောင်ရွက်ခဲ့ပါသည်။

အမျိုးသားညီညွတ်ရေးအစိုးရ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ ပြည်ထောင်စု ဒုတိယဝန်ကြီး ခွန်း‌စောဖူး ဦးဆောင်၍ အဆိုပါ ယာယီထိန်းသိမ်းစောင့်ရှောက်ထားသည့် ပန်ဒါနီလေး ၉ ကောင်ကို ၎င်းတို့၏ မူရင်းဒေသနှင့် အနီးစပ်ဆုံး ဒေသများသို့ ဘေးကင်းစွာ ပြန်လည် ရောက်ရှိထိန်းသိမ်းစေနိုင်ရေးအတွက် သင့်တော်သလို စီမံဆောင်ရွက်နိုင်ပါရန် သစ်တော နှင့်ပတ်ဝန်းကျင်ထိန်းသိမ်းရေးဌာန၊ Kachin Independence Organization (KIO) သို့ ၁၉-၉-၂၀၂၅ ရက်နေ့တွင် လွှဲပြောင်းပေးအပ်ပြီးဖြစ်ပါသည်။

လက်ရှိတွင် သစ်တောနှင့်ပတ်ဝန်းကျင်ထိန်းသိမ်းရေးဌာန၊ Kachin Independence Organization (KIO) အနေဖြင့် ၎င်းပန်ဒါနီ (၉) ကောင်အား ကောင်းမွန်စွာ လက်ခံထိန်းသိမ်းထားပြီး ရှားပါးမျိုးစိတ်များဖြစ်သည့်အလျောက် သင့်တော်စွာ စီမံထိန်းသိမ်းကာကွယ်စောင့်ရှောက်နိုင်ရေးအတွက် ဆက်လက်ဆောင်ရွက်လျက်ရှိပါကြောင်း သတင်းထုတ်ပြန် ကြေညာအပ်ပါသည်။

(မှတ်ချက် – လွှဲပြောင်းဓာတ်ပုံမှတ်တမ်းရိုက်ယူရန် ကားပေါ်မှ မြေပေါ် သို့ ခေတ္တချချိန်၌ ပန်ဒါနီလေး တကောင်မှာ ရုတ်တရက် အပြောင်းအလဲ ကြုံလိုက်ရ၍ ရှော့ခ်ရသကဲ့သို့ ဖြစ်သွားပါသဖြင့် မူရင်းသယ်ဆောင်လာသည့် ကားပေါ်တွင် ပြန်တင်ထားလိုက်ရခြင်းကြောင့် ဓာတ်ပုံတွင် ပန်ဒါနီ (၈) ကောင်သာ ပါရှိနေခြင်း ဖြစ်ပါသည်။ အဆိုပါ ပန်ဒါနီလေးသည် ယခုလက်ရှိတွင် ပြန်လည်ကျန်းမာနေပြီ ဖြစ်ပါသည်။)